Республикыште мыняр еҥ пашам ышта?

17,7% ужалымаште, 16% обрабатыватлыше производствышто, 9,2% образований сферыште, 9,0% чоҥымаште, 8,2% мланде поянлыкым лукмаште, 6,7% тазалыкым аралымаште тыршеныт. Чумыр шотлымаште калыкын пашаверлык кӱкшытшӧ 57,4% лийын (пашам ыштыше-влакын да чумыр калыкын чотыштым таҥастарымаште). Кугурак ужашыже - 1,467 млн еҥ (77,1%) - организацийлаште, физический лица, индивидуальный предприниматель-влак дене да фермер озанлыклаште 309 тӱжем еҥ (16,2%), юридический лица статусдымо предприниматель пашаште 114 тӱжем еҥ (6,0%) ышта, 13 тӱжем еҥ (0,7%) шке озанлыкыштыже пакчасаскам куштен, вольыкым ончен, колым кучен ужала але моло йӧным муэш.

Пашам ыштыше-влакын кокла ийготышт - 41 ий, 30 ияш марте самырык-влак 15,8% лийыныт. 86,3% профессиональный, 30,8% кӱшыл, 27,8% кокла звено специалист-влакым ямдылыме профессиональный, 27,7% квалифицированный пашазе-влакым ямдылыме профессиональный образованийышт уло.

Башкортостаныште 2023 ийыште 45 тӱжем пашадыме еҥ лийын. Нунын коклаште  23,7% - 30 ияш марте самырык-влак. Шукыштын профессиональный шинчымашышт уло.